As jy kies om met een van die vooraf-geskepte Stelle Boeke (sjablone) in osFinancials te werk, is die meeste van die verstek-instellings reeds gestel.

Jy kan 'n bestaande sjabloon vir jou land en taal aflaai (binne 'n paar sekondes - ongeveer 3 klikke) van die  Laat osFinancials jou help om 'n Stel Boeke te skep - Aflaai-opsie te skep. Elkeen van hierdie Stelle Boeke is reeds ingestel op 'n spesifieke taal vir jou land en taal. Sien 'n lys van beskikbare Firebird- Stelle Boeke en gekoppelde tale wat beskikbaar as 'n gratis aflaai. Jy kan dan die Stel Boeke aanpas om aan jou eie vereistes te voldoen. 

Om te begin behels weinig meer as die invoer van 'n paar basiese besonderhede en die keuse van 'n paar basiese opsies: 

  1. Skep jou Stel Boeke - osFinancials laat jou toe om 'n Stel Boeke binne minute te skep deur 'n bestaande struktuur te kopieer.
  2. Instellings en verstek-opsies - osFinancials sal hierdie parameters en verstek-opsies gebruik om sekere funksies vir jou te vertoon en uit te voer. 
    1. Opstel onderneming - Voer jou kontakinligting en registrasie besonderhede in en stel die verstekwaardes vir jou Belasting in (as jy vir BTW geregistreer is.
    2. Finansiële periodes - Stel die begindatum vir jou finansiële jaar en die rekeningkundige tydperke waarvoor jy finansiële verslae moet genereer. 
    3. Verslaggroepe - Voeg of wysig rekeninggroepe vir jou grootboekrekeninge om die 5 finansiële kategorieë verder te klassifiseer. Jy kan ook tot twee (2) verslaggroepe byvoeg vir jou Debiteure (kliënte / klante) rekeninge, Krediteure (verskaffers) rekeninge, Voorraad items (produkte), Dokumente en Verkoopspersone. 
    4. Finansiële kategorieë - Koppel jou rekeninggroepe (bv. Inkomste, Ander inkomste, Uitgawes, Kapitaal, Langtermynlaste, Bedryfslaste, Vaste bates en Bedryfsbates) aan die 5 Finansiële kategorieë (d.w.s. Inkomste, Uitgawes, Kapitaal, Bates en Laste). 
    5. Joernaaltipes - Voeg enige joernaaltipes (joernale) by, wysig of skrap dit waarin jy transaksies wil prosesseer. 
    6. Toegangsbeheer en wagwoorde (Opsioneel) - Stel wagwoorde en toegangsbeheer vir jou gebruikers. 
    7. Internet (Opsioneel) - Stel jou e-pos rekening op om verslae, lyste en dokumente oor die internet te stuur.
    8. Opstel dokumente - Stel die dokument-nommers, boodskappe en kontroleer die joernaaltipes vir jou verkoopsdokumente (Fakture, Kredietnotas en Kwotasies vir debiteure (kliënte / klante) en aankoopdokumente (Aankope, Verskafferretoere en Bestellings vir krediteure (verskaffers). Jy kan ook 'n standaard-boodskap byvoeg (op die Rekeningstate opstel-oortjie) om op alle state wat jy aan jou debiteure (kliënte / klante) wil stuur, te druk.
    9. Verkoopspersone - Voeg enige verkoopspersone by wat jou voorraad of produkte verkoop en dokumente prosesseer. 
    10. Voorraadinligting - Definieer jou verkooppryse en voorraadeenhede. Jy moet ook die koste van verkope-instellings vir jou voorraaditems stel. 
    11. Stel voorkeure - 
      1. Drukker - Stel die verstek-drukker en papiergroottes in.
      2. Dataparameters - Stel die verstekwaardes vir beide inskrywing en vertoon. 
  3. Pasmaak grootboekrekeninge - Pas jou Tabel van rekeninge aan - Elkeen van die Stelle Boeke (sjablone) bevat 'n basiese stel grootboekrekeninge.  Jy sal sekere rekeninge wil byvoeg, sekere rekeninge wil skrap, Bankrekeninge wil byvoeg, ens. om die rekeninge vir jou spesifieke behoeftes aan te pas. 
  4. Debiteure - Voeg rekeninge vir debiteure (kliënt / klante) by. 
  5. Krediteure - Voeg rekeninge vir krediteure (verskaffers) by. 
  6. Voorraaditems - Voeg voorraaditems by (voorraaditems / produkte). 
  7. Voer openingsaldo's in vir jou rekeninge en voorraaditems,  
  8. Begin om jou daaglikse transaksies in joernale en of dokumente te verwerk. 
  9. Druk verslae om jou aktiwiteite te evalueer.