osFinancials5 - Besigheidsklas- Hulp in Afrikaans

Finansiële aktiwiteite word gewoonlik oor 'n finansiële jaar of boekjaar gemeet. Die finansiële jaar of boekjaar word weer onderverdeel in rekeningkundige periodes waarvoor verslae bekom kan word om die onderneming se aktiwiteite met gereelde tussenposes te beoordeel. 

Die rekeningkundige periodes (verslagdatums) is gewoonlik die maande (12 periodes) in 'n finansiële jaar, wat die 12 kalendermaande van die jaar verteenwoordig. Alle transaksies van 'n onderneming behoort in die periode waarin die transaksie plaasvind, ingevoer word. 

Dit laat jou ook toe om die postering van transaksies vir die vorige jaar, of 'n spesifieke finansiële tydperk, te beperk. Jy het egter steeds toegang tot die besonderhede en transaksies vir hierdie "Geslote" tydperke.

Om finansiële periodes te stel: 

1. Op die Opstel-duimgids, kies Opstel → Finansiële periodes. 

2. Kies die volgende opsies:
1. Aantal - Dit is die aantal maande in jou finansiële jaar. Ons beveel aan dat jy 12 maande vir die 12 maande van die jaar sal gebruik. Sleutel “12” in. 
2. Begindatum - Dit is die begindatum van jou finansiële jaar. Die formaat van dié datum is JJJJ/MM/DD of die Windows formaat wat jy gestel het. Vir die doeleindes van dié dokumentasie stel die finansiële jaar op “2022/03/01”. 
3. Posteer na vorige jaar – Indien dié veld nie gemerk is nie, kan jy nie transaksies, dokumente, ens. teen die vorige finansiële jaar (vroeër as die datum wat in die “Begindatum” veld) posteer nie. Laat dié veld langs dié “Posteer na vorige jaar” gemerk.
4. Oop vir postering - Indien dié velde nie gemerk is nie, kan jy nie transaksies, dokumente, ens. teen die periodes wat in die “Eindig op” veld posteer nie. 
5. Vorige jaar – Indien die “Oop vir postering” velde in die Vorige jaar kolom nie gemerk is nie, kan jy nie na finansiële periodes wat ouer as die vorige jaar periodes is, posteer nie. 
3. Kliek Goed om die wysigings te stoor.