Die volgende F9:Prosesseer “Prosesseer joernaal” opsies is beskikbaar wat transaksies genereer:

  1. Genereer veelvuldige transaksies - Jy kan veelvuldige transaksies (d.i. Balanseer debiteure met bedrag, Debiteure met heffingsbedrag, Vaste bedrag aan alle debiteure, Rente op agterstallige debiteurrekeninge, Krediteure met heffingsbedrag) genereer. Die veelvuldige inskrywings of transaksies kan in die "Prosesseer joernaal" opsie skerm van enige joernaalinvoer skerms (behalwe vanuit ontvangste- en betalingsjoernale wat aan bankrekenings gekoppel is), geïnisieer word. 

Genereer veelvuldige transaksies - sal met die volgende opsies vervang word in:

  • Ontvangste-joernale - Skep kwitansies - Jy kan 'n kwitansie vanuit 'n ontvangste-joernaal skep, dit uitdruk en aan 'n kliënt of die party van wie jy betaling ontvang het, oorhandig. 'n Kwitansie sal outomaties gegenereer word en die transaksie vir die kwitansie sal outomaties in die geselekteerde Ontvangste-joernaal gegenereer word.
  • Betalingsjoernale - Krediteurbalanse soos op - Die "Krediteurbalanse soos op"-joernaalverwerking-opsie laat jou toe om betalingstransaksies vir al jou krediteure (verskaffers) se uitstaande balanse op 'n bepaalde datum by die Betalings-joernaal by te voeg.  Jy kan dan dié joernaal wysig (byvoorbeeld, besluit watter krediteure (verskaffers) om te betaal, die bedrae verander, krediteure (verskaffers), ens.).
  1. Wederkerende transaksies - Prosesseer transaksies wat gereeld of op ‘n periodieke of herhalende basis voorkom. Jy hoef dié transaksies slegs een keer in te voer, en wanneer hulle geskeduleer is, hulle eenvoudig na die normale joernaal te kopieer. Hierdie fasiliteit kan jou baie tyd spaar. 
  2. Outomatiese betalings - Prosesseer Outomatiese betalings-verslag wanneer jy op die Druk knoppie van die “Outomatiese betalings” opsie kliek. 
  3. Outomatiese ontvangstes - Druk die Outomatiese ontvangste-verslag wanneer jy op die Druk knoppie van die “Outomatiese ontvangstes” opsie kliek.