Jy kan enige grootboekrekening skrap, indien die rekening geen balanse en / of transaksies bevat nie. 

Indien die rekening nie geskrap kan word nie, kan jy die rekening onaktief stel. Dit sal voorkom dat enige verdere transaksies in joernale en dokumente teen die rekening na die grootboek opgedateer (geposteer) word. 

Skrap rekening

Die   Skrap ikoon (opsie) sal nie vir dié volgende rekeninge beskikbaar wees nie: 

  • Rekeninge waarteen enige transaksies geposteer is. Die “Geposteer” veld sal, 'n waarde van meer as 0 vertoon. 
  • Die Behoue inkomsterekening. 
  • Hoewel die Skrap ikoon (opsie) vir die Debiteurekontrole- en die Krediteurekontrolerekeninge beskikbaar is, kan jy nie dié rekeninge skrap nie. Indien jy probeer om dié kontrolerekeninge te skrap, sal 'n fout-boodskap vertoon word dat jy nie kontrolerekeninge kan skrap nie.

Om 'n grootboekrekening te skrap:

  1. Op die Opstel-duimgids, kies Opstel → Rekeninge. 
  2. Kies die rekening en kliek op die Skrap ikoon. 'n Bevestiging-boodskap sal vertoon word.

"Wil jy skrap?" 

  1. Maak absoluut seker dat die korrekte rekening gekies is. 
  2. Indien jy absoluut seker is, kliek Ja.  

Skrap Hoofrekeninge:

Indien 'n rekening sub-rekeninge het, moet die sub-rekeninge eers geskrap word, alvorens die hoofrekening geskrap kan word.

Skrap Bankrekeninge: 

Indien ' Bankrekening geskrap is, moet jy ook die Ontvangste- en Betalingsjoernale (wat aan die geskrapte Bankrekening gekoppel was), skrap. Om dit te doen, kies Joernaaltipes op die Opstel-duimgids).

Stel rekening onaktief

Indien 'n grootboekrekening balanse en / of transaksies bevat, kan die rekening nie geskrap word nie. Indien die rekening nie geskrap kan word nie, kan jy die rekening onaktief stel. Dit sal voorkom dat enige transaksies in joernale en dokumente teen die rekening die grootboek opgedateer (geposteer) word. 

Om 'n grootboekrekening onaktief te stel:

  1. Op die Opstel-duimgids, kies Opstel → Rekeninge.  
  2. Kies die rekening
  3. Kies Onaktief in die "Status" veld. 
  4. Kliek Stoor. Dit sal voorkom dat enige transaksies in joernale en dokumente teen die rekening die grootboek opgedateer (geposteer) word.