Die Rekeninginligting-oortjie - Terme en voorwaardes, soos krediet-limiete, rente, opstellings, ens..

Die opsies, is soos volg:

  1. Rekening onaktief - Hierdie veld moet blanko gelaat word indien jy transaksies teen die debiteur se rekening wil posteer.
    Hierdie veld moet gekies word indien jy geen verdere transaksies teen die debiteur (kliënt / klant) se rekening wil posteer nie, of indien jy die debiteur (kliënt / klant) nie kan skrap nie. Jy sal egter steeds verslae vir die debiteur (kliënt / klant) kan druk. 
  2. Oopitem rekening – Kies hierdie veld indien jy spesifieke krediettransaksies (ontvangstes of kredietnotas) teen 'n spesifieke debiettransaksies (fakture, ens.) wil koppel. Indien hierdie veld blanko gelaat word, sal die Balans O/D metode gebruik word, waarvolgens enige krediettransaksies (ontvangstes of kredietnotas) outomaties teenoor die oudste uitstaande debiettransaksies (fakture, ens.) toegewys word.
  3. Dae verskuldig – Sleutel die aantal dae in wat volgens die kredietooreenkoms met die debiteur (kliënt / klant) waarbinne die transaksies betaal moet word. 

Dié aantal dae word gebruik om die betalingsdatum te bereken. Die betalingsdatum is die transaksie- of dokument se datum PLUS die aantal dae wat jy in hierdie veld insleutel. 
  1. Kredietlimiet - Sleutel die kredietlimiet wat jy aan die debiteur (kliënt / klant) toegestaan het, in of wysig dié bestaande kredietlimiet. Wanneer jy transaksies invoer, sal 'n waarskuwing-boodskap vertoon word, indien die kredietlimiet oorskry word. 

Die Beskikbare balans (d.i. Huidige balans minus die Kredietlimiet) sal ook op verkoopsdokumente (d.i. Fakture, Kredietnotas en Kwotasies) se invoerskerms vertoon word.

Die Sakrekenaar se knoppies sal ook vanuit dié Kredietlimiet veld geïnisieer woord.

Jy kan die verslag van die “Kredietkontrolelys (Kredietlimiete vs huidige balanse)” verslae soos op die stelseldatum vir debiteure (kliënte / klante) (Verslae → Debiteure → Lys op die Verslae-duimgids) druk.
  1. Heffingsbedrag - Sleutel die heffingsbedrag in wat jy en die debiteur (kliënt / klant) ooreengekom het in, of wysig die bestaande heffingsbedrag. 

Dié heffingsbedrag sal outomaties gebruik word om transaksies in enige joernaal (behalwe in ontvangste- en betalingsjoernale) te genereer. 

Om dié transaksies te genereer, moet jy die “Genereer veelvuldige transaksies” opsie in die “Prosesseer joernaal” (F9:Prosesseer) kies. 
  1. Debiteurkorting - Indien jy nie dokumente (fakture, kredietnotas en kwotasies) genereer nie, moet jy hierdie veld blanko laat. Sleutel die persentasie korting in wat jy vir die debiteur (kliënt / klant) op sekere voorraaditems wil toestaan. 

Die debiteurkorting sal outomaties op dié persentasie van die verkoopprys vir die geselekteerde voorraaditem bereken word, indien die “Pas faktuurkorting” toe veld (Voorraaditems op die Verstek-duimgids) gekies (gemerk) is.
  1. Maandelikse rente op agterst. bedrae - Die persentasie rente (maandelikse rentekoers) wat jy op enige agterstallige bedrae vir die debiteur (kliënt / klant) wil hef. (Indien die jaarlikse rentekoers 18% is, kan jy byvoorbeeld 1.5% (18 ÷ 12 maande) vir die maandelikse rente insleutel. Of, indien die jaarlikse rentekoers 24% (18 ÷ 12 maande) is, sal jy 2% insleutel). 

Dié persentasies sal outomaties gebruik word om die rente te bereken en transaksies in enige joernaal (behalwe in ontvangste- en betalingsjoernale) te genereer. 

Om dié transaksies te genereer, moet jy die “Genereer veelvuldige transaksies” opsie in die “Prosesseer joernaal” (F9:Prosesseer) kies.
  1. Verkoopsprys - Stel die verstek verkoopprys vir die debiteur (kliënt / klant) indien dit verskil van die verstek verkoopprys wat vir alle debiteure (kliënte / klante) (Opstel → Voorraadinligting) gestel is. Wanneer jy dokumente (fakture, kredietnotas en kwotasies) prosesseer, sal die verstek verkoopsprys vertoon word. 

Indien jy die beskrywings van verkoopprys 1 / 2 / 3 in die Opstel → Voorraadinligting (Opstel-duimgids) verander het, sal jou beskrywings hier vertoon word.

Jy kan steeds enige van die ander 3 verkooppryse kies.
  1. Bankrekening - 
    1. Bankrekeningtipe – Kies “Arbitrêr” of “11 Proef”. Dit is vir elektroniese betalings aan debiteure (kliënte / klante). 

11-Proof - Sien - http://nl.wikipedia.org/wiki/Elfproef 

Arbitrair - Willekeurig
    1. Bankrekeningnr. – Sleutel die bankrekeningnommer van die debiteur (kliënt / klant) in (indien beskikbaar). 
    2. Banknaam - Sleutel die bank se naam van die debiteur (kliënt / klant) in (indien beskikbaar).
    3. BIC - (“Bank Identifier Code”) - Nie getoets nie. 
    4. IBAN - (“International Bank Account Number”) - Nie getoets nie.  

Sien - http://en.wikipedia.org/wiki/International_Bank_Account_Number
    1. Handtekening - Nie getoets nie. 

SWIFT - (Society for Worldwide Interbank Financial Telecommunication) - See - http://en.wikipedia.org/wiki/SWIFT / http://www.theswiftcodes.com/ 

SEPA - (Single Euro Payments Area) - See - http://en.wikipedia.org/wiki/Single_Euro_Payments_Area 
  1. Gebruik verstekrekening - By verstek, sal die opsie nie gekies (gemerk) wees nie. 
    Indien jy transaksies slegs teen 'n spesifieke rekening vir die debiteur (kliënt / klant) wil prosesseer, kan jy kies om die verstekrekening te gebruik. Wanneer jy hierdie opsie kies (merk), kan jy die verstekrekening vir die debiteur (kliënt / klant) kies. 
  2. Gebruik verstek BTW - By verstek, sal die opsie nie gekies (gemerk) wees nie.
    Indien jy transaksies slegs teen 'n spesifieke BTW-rekening vir die debiteur (kliënt / klant) wil prosesseer, kan jy kies om die opsie te gebruik. Wanneer jy hierdie opsie kies (merk), kan jy die verstek BTW-rekening vir die debiteur (kliënt / klant) kies. 

Klik op die ander oortjies. 

Sodra jy klaar is, klik op die Stoor-knoppie.